مساحة إعلانية


الرئيسية / / شرح الحصول علي بطاقة ديكسي باي DixiPay وكيفية تفعيل البايبال بها والسحب منها

شرح الحصول علي بطاقة ديكسي باي DixiPay وكيفية تفعيل البايبال بها والسحب منها

بعدما تحدثنا عن كيفية التسجيل في بايبال وكذلك عن احدث الطرق لتفعيل البايبال وعن 

طريقة تفعيل البايبال في الدول التي لا يدعمها بايبال اليوم سنتحدث عن احدث طرق 

تفعيل البايبال والسحب منه عبر اي ماكينة ATM في العالم عبر بطاقة DixiPay .



* اولا مميزات بطاقة ديكسي باي DixiPay :

1- الميزة الرئيسية لبطاقة DixiPay هي أنها غير مرتبطة بحساب بنكي .

2- إمكانية تحويل الرصيد من بطاقة لأخرى من خلال لوحة التحكم الخاصة بك 

كمستخدم، وإمكانية سحب رصيد البطاقة نقداً من أي ماكينة ATM حول العالم 

3- إمكانية اتمام عمليات الشراء باستخدامها سواء على الإنترنت أو بالمتاجر

ونقاط البيع POS دون أي عمولات إضافية .

4-  تستطيع استخدام الرصيد المسحوب من الباي بال عليها بقيمته الدولاريه كما

هو دون استقطاع أي عمولات للتحويل من عملتك المحلية للدولار كما الحال مع 

البطاقات المُصدَره محلياً.

5- التسوق أون لاين من خلال أى موقع فى العالم  .

6- التحويل بين البطاقات بشكل لحظى أون لاين من خلال حسابك فى ديكسى باى .

7- البطاقة عالمية وليست محلية وعملتها الدولار الأمريكى .

8- صلاحية البطاقة 5 سنوات .

9- الربط بحساب باى بال للسحب والإيداع من خلال اى ماكينة تحمل علامة VISA .

10- البطاقة ثمنها معقول جدا 15$ فقط + مصاريف الشحن على حسب دولتك .

* ثانيا معلومات عن بطاقة ديكسي باي DixiPay :

العمولات التي تستقطعها فيزا الديكسي باي DixiPay هي كالتالي :

- 2% عن كل عملية إضافة رصيد للفيزا.

- 3$ مصاريف صيانة شهرية .

- 2.5$ لكل عملية سحب من ماكينات ATM .

- 1.25$ لكل عملية استعلام عن الرصيد من ماكينات ATM .

- لاعمولات على أي عمليات شراء سواء من الإنترنت أو من نقاط البيع POS .

الحدود القصوى والادني للمعاملات المالية للفيزا كالتالي :

- 50$ هي أقل قيمة لأول عملية إضافة رصيد للبطاقة .

- 20$ هي أقل قيمة لأيّة عمليات إضافة رصيد تالية للبطاقة .

- 10$ هي أقل قيمة رصيد يجب أن تتواجد بصفة دائمة بالبطاقة .

- 5,000$ هي أقصى قيمة لإضافة رصيد للبطاقة في اليوم .

- 15,000$ هي اقصى رصيد إجمالي يمكن أن تحتويه البطاقة .

- 3,000$ هي أقصى قيمة للسحب من رصيد البطاقة من ماكينات ATM في اليوم .

- لا يوجد حد أقصى يومي لعدد مرات الشراء من نقاط البيع POS .

- تستطيع إضافة رصيد للبطاقة بحد أقصى مرتان في اليوم / 5 مرات في الأسبوع

 10 مرات في الشهر .

بالنسبة لأهم التواريخ في تعاملك مع البطاقة :

18 عام هو أقل سن لامتلاك الفيزا الرئيسية، ويمكن استخراج فيزا فرعية لمن

هم فوق ال 13 عام .

* ثالثا خطوات الحصول علي بطاقة ديكسي باي DixiPay :

الخطوة الاولي : إنشاء حساب في موقع ديكسي باي :

1- ادخل الي موقع ديكسي باي هنا ..

* اضغط علي العلم كما في الصورة لتحول الموقع الي اللغة العربية ..

* اضغط Sign Up ثم اضغط  Personal Account ..



2- قم بإدخال بياناتك الشخصية ..



3- بعد ملئ البيانات اضغط Login ثم توجّه لبريدك الإلكتروني الذي قمت بالتسجيل

 به للحصول على كلمة المرور المؤقتة التي ستستخدمها لتسجيل الدخول .

4- أدخل الآن كلمة المرور الجديدة التي ترغب بها، ثم اضغط  Save .

5-  اضغط  Login  لإتمام عملية تسجيل الدخول بكلمة المرور الجديدة التي 

أدخلتها في الخطوة السابقة.

الخطوة الثانية : تفعيل حسابك في ديكسي باي DixiPay :

1- قم بتسجيل الدخول لحسابك على Dixipay .

2- اضغط على كلمة " Unverfied "  الموجودة في منتصف الصفحة .



3- اضغط زر "" Upload " .

4- قم بإرفاق صورة لتحقيق هوّيتك (بطاقة شخصية أو باسبور) + صورة حديثة لإثبات 

عنوانك (فاتورة – غاز – كهرباء) لاتزيد عن 3 أشهر، ثم اضغط " Send " .

5- خلال 48 ساعة على الأكثر سيتم تفعيل حسابك وتحويل حالته إلى Verified.

الخطوة الثالثة : شراء فيزا DixiPay وإرسالها لعنوانك :

* يمكنك اتباع هذا الشرح لشراء فيزا DixiPay او يمكنك مشاهدة طريقة اخري 

للحصول علي  فيزا ديكسي باي حتي باب المنزل والدفع عند استلام الفيزا 

" رابط الشرح في نهاية الدرس " 

* يلزم شحن حساب الديكسي باي ذاته لدفع تكاليف البطاقة.

1- قم بتسجيل الدخول لحسابك على Dixipay.

2- توجه للتبويب " Deposite Money " .

3- من القائمة الجانبية " Other Methods "  قم باختيار الطريقة التي تناسبك 

لشحن حسابك على Dixipay (حوالة بنكية  -ويستيرن يونيون – بطاقات ائتمان ) 

* وأدخل مبلغ شحن الرصيد .  يجب شحن حسابك بمبلغ لا يقل عن 75$ أو ما يناظرها 

بأي عملة أخرى؛ حيث أن أقل قيمة تأتي الفيزا مشحونة بها عند طلبها هو 50$ هذا 

بالإضافة لمصاريف الشحن.

4- بعد إتمام شحن حسابك، توجّه إلى التبويب " Credit Cards " ومنه إلى 

التبويب الفرعي " Order DIXIPAY Visa Card " من القائمة الجانبية .

5- أدخل عدد البطاقات التي ترغب في إرسالها إليك، وكذلك الرصيد الإبتدائي التي

ستكون مشحونة به (أقل قيمة 50$)، وطريقة التسليم استخدم DHL أو أرامكس 

بدلاً من البريد العادي .



بعد شحن حسابك في Dixipay، يمكنك طلب الفيزا الخاصة بها مُحدّداً الرصيد

الابتدائي الذي ترغب أن تكون مشحونة به ..

6- من النافذة التالية، اضغط " Confirm " .

7- ما عليك سوى انتظار وصول الفيزا إليك .


( تختلف المدة من بلد لآخر تبعاً لشركة الشحن .. يمكن أن تصل لثلاثة اسابيع ).

الخطوة الرابعة : تفعيل بطاقة فيزا ديكسي باي DixiPay :

1- فور استلامك للبطاقة، توجّه للرابط التالي لتفعيلها بإدخال رقم الكارت،

رقم CVV، تاريخ الميلاد وعنوان البريد الإلكتروني ثم اضغط  " Activate " 

2- سيظهر لك الآن رقم Pin احفظه جيدا فهو الرقم السري الذي ستدخله في ماكينة

ATM عند سحب رصيدك من البطاقة .

* أيضاً ستجد أن كلمة المرور الخاصة بلوحة تحكم البطاقة قد وصلتك على عنوان 

بريدك الإلكتروني .

* أنت الآن تمتلك فيزا مُفعّلة، وجاهزة للربط مع الباي بال وسحب الرصيد عليها . 

الخطوة الخامسة : تغعيل البايبال عبر بطاقة ديكسي باي DixiPay :

1- قم بتسجيل الدخول لحسابك على الباي بال . ثم اضغط كما في الصورة ..



2- ادخل بيانات الفيزا ..



3- سيُطلَب منك الآن كود التفعيل، يمكنك الحصول عليه بالتوجه للوحة تحكم الفيزا،

ثم إلى التبويب " Transaction History ".

4- أدخل الكود في النافذة الموضّحة بالأسفل ، ثم اضغط " Confirm Card" .

5- اضغط الآن على جملة " setup your account " والتي  ستجدها أيضاً عند التوجّه

الى التبويب " Request Money " ..



6-  من النافذة التالية، اضغط زر "Use My Visa Card ".



7 - تأكّد من اختيار فيزا الديكسي باي من القائمة المنسدلة، ثم اضغط  Continue .



* تم الآن تهيئة حسابك بنجاح لسحب الرصيد باستخدام فيزا Dixipay .

الخطوة السادسة : سحب رصيد البايبال باستخدام بطاقة ديكسي باي DixiPay :



* في  اليوم الأول من كل شهر سيتم سحب الرصيد تلقائياً إلى فيزا Dixipay 

خذ الفيزا، وتوجّه لأقرب ماكينة ATM ، واسحب الرصيد بعملتك المحلية .

يمكنك سحب الرصيد دون انتظار او الشهر مقابل 5$ دولارات سيستقطعها الباي بال 

نظير اتمام عملية السحب. إليك الخطوات :

1- من لوحة تجكم الباي بال، توجّه للتبويب  My Account ، ومنه للتوبيب الفرعي

 Withdraw ثم اختر Withdraw payments to my visa card .

2- قم بتحديد القيمة التي ترغب في سحبها من الرصيد، ثم اضغط  Continue .



3- سيطلب منك تأكيد طلب السحب، اضغط  Confirm .



4- أيام قليلة وتجد الرصيد موجوداً بلوحة تحكم الفيزا. حينها ، يمكن استخدام 

الرصيد من خلال البطاقة بسحبه من ماكينات ATM ..

- يمكنك ايضا مشاهدة هذا الدرس :

* طريقة اخري للحصول علي فيزا ديكسي باي حتي المنزل والدفع عند استلام الفيزا ..

شرح كيفية التسجيل في بنك نتلر Neteller وطريقة تفعيل حسابك ؟

* اذا كان لديك اي استفسار يمكنك ترك تعليق بالاسفل ..

* لا تنسي مشاركة الموضوع عبر فيسبوك او تويتر او جوجل بلس من الاسفل ..


***** تم بحمد الله *****
شارك المقال

هناك 145 تعليقًا

  1. هل يمكن السحب باستخدام هذه البطاقة بالدولار او اليورو فى مصر ولا لازم بالجنيه المصرى

    ردحذف
    الردود
    1. السحب من ماكينات الصرافة دائماً ما يكون بعملة البلد ، يعني إذا كنت تملك فيزا ديكسي باي تستطيع السحب بالجنيه المصري فقط داخل مصر .

      حذف
    2. شكرا ع الرد اخى ولكن مفيش طريقة تانية ممكن اسحب بيها بالدولار او اليورو وايه نوع البطاقة اللى تنفع فى الحالة دى؟

      حذف
    3. حالياً وبسبب أزمة الدولار الموضوع صعب ، في طريقة معقدة شوية بس هقولك عليها ، هتربط حسابك في بايبال بحساب بايونير وتعمل حساب في بنك مصر بالدولار بعد كدة هتسحب من بايبال لبايونير لحسابك في بنك مصر وساعتها تقدر تصرف من البنك بالدولار .

      حذف
  2. لازم بايونير؟!!! مش ممكن من اعمل حساب بالدولار فى بنك مصر واربط الفيزا ببنك بايبال مباشرة؟
    ولو مينفعش مش ممكن بنك بايزا او سكريل او نتللر بدلا من بايونير

    ردحذف
    الردود
    1. انا قولتلك بايونيير لأنك بتتعامل مع بايبال فسهل إنك تربطهم ببعض ، بالنسبة لبايزا فالطريقة تمشي معاها برضه ، وأعتقد سكريل نفس الكلام بس مش متأكد ، لاحظ إنك هتربط حسابين بنكيين ببعض يعني مثلًاً بايزا هتربطه بحسابك بالدولار في بنك مصر مفيش أي استخدام لأي فيزا في الطريقة ..

      حذف
  3. انا قصدى زى ما باعمل حساب بالمصرى وبيطلع معاه فيزا ممكن اعمل حساب بالدولار وهيطلع معاه فيزا بردو ودى اربطها مع بايبال

    ردحذف
    الردود
    1. استفسارك عن سحب الدولار في مصر ، وانا قولتلك طريقة بنك مصر ودي الطريقة الوحيدة تقريباً للسحب بالدولار ، أي ماكينة صرافة هتصرف منها بالمصري فمش مشكلة أي فيزا تتربط بالبايبال .

      حذف
  4. تمام.... أشكرك جدا وآسف ع الاطالة

    ردحذف
  5. ممكن اعرف قيمة سعر التحويل من الجنيه لدولار بيحسبها بكام

    ردحذف
    الردود
    1. الحقيقة مفيش كلام مؤكد سعر الدولار في البنك 8.8 جنيه مصري ، بينما سعر الدولار خارج البنك يجاوز 15 جنيه حالياً ..

      حذف
  6. هل ممكن أحول الفلوس من أكونت باي بال مصرى لأكونت باي بال برا مصر مع العلم أن البطاقة المفعلة فى باى بال هتكون هى الديكسى باي فقط ؟

    ردحذف
    الردود
    1. أكيد ممكن تحول من حساب بايبال مصري لأي حساب تاني في أي دولة ، سواء بفيزا ديكسي باي أو بأي فيزا تانية تقبل الدفع عبر الإنترنت ..

      حذف
  7. هل ده ممكن ولا فى مشكلة فى باي بال او الديكسى باي تمنع ده ؟ وسؤال تانى معلش هل أى كارت فى الإمارات ممكن يسحب من الباى البال ولا لازم كريدت كارد زى مصر ؟

    ردحذف
    الردود
    1. بالنسبة للكارت الإماراتي فلازم ترجع للبنك المصدر للكارت وتتأكد منه سواءا كان نوع الكارت كريدت كارد او فيزا او Prepaid Card ..

      حذف
  8. طب ينفع اودع بيها لشركات الفوركس عادي

    ردحذف
    الردود
    1. اكيد طبعاً طالما شركة الفوركس تقبل الدفع عبر الفيزا كارد ، وكذلك ممكن تربطها بالبايبال وتدفع عن طريقه ..

      حذف
  9. أشكرك أ. محمد ، استفسار أخير :هل لازم يكون فى رصيد فى الديكسى باي عشان اربطها بالباى بال ؟ هى حاليا المفترض يكون فيها 6 دولار لو موقع كارد اكسبريس صادق يعنى (لسه منتظر الكارت ينزل على موقع الديكسى باى )

    ردحذف
    الردود
    1. العفو .. بالتأكيد لازم يكون في الفيزا رصيد لأن بايبال بيخصم مبلغ من الفيزا وبيطلب رقم العملية المكون من 4 أرقام عشان يتأكد إنك صاحب الفيزا وبعد كدة بيرد المبلغ اللي تم خصمه لحسابك مرة أخري .

      حذف
  10. الرصيد اللى هو 1 دولار بس تقريبا بس مش أكتر من كده ؟ انا متعاملتش مع الديكسى قبل كده وبشوف ناس كتير بتسأل ازاى يشحنوا الديكسي ومش عارف السبب بيكون اييه ؟

    ردحذف
    الردود
    1. تقريبا الخصم بيبقي 1.5$ , بالنسبة للشحن فهناك طرق كثيرة للشحن فيمكنك الشحن عبر الماستر كارد أو حوالة بريدية أو حوالة مصرفية أو ويسترن يونيون وكذلك موني جرام ..

      حذف
  11. لو اودعت فيها بالمصري ينفع اخدهم دولار على نتلر ؟
    و مش بترتبط بالحد بتاع البنك المركزي اللي هو 50 دولار ؟

    ردحذف
    الردود
    1. بالتأكيد بعد شحن الفيزا تقدر تستعملها للدفع بالدولار ،

      واعتقد انها غير ملزمة بالحد الأقصي الخاص بالبنك المركزي ..

      حذف
  12. السلام عليكم اريد اعرف شئ انت تعرفت على سيدة تعيش فى أمريكا واصبحنا أصدقاء وطلبت منى الثلاث أرقام الموجودين على ظهر الكارد وقلت لها لماذا قالت لى حتى أستطيع أن استخرج لك dixibay أريد أن أعرف شئ هل من الممكن أن تسحب ما تريد من المال عن طريق هذا الكارد وهل يمكن سحب المال الذى تريدة ثم تقوم بسدادة أريد أن أعرف هل هذا الشخص نصاب أريد أن أعرف لوسمحت ضرورى وما هو أهمية الثلاث أرقام الموجودين فى ظهر الكارد وأسف جدا على الإطالة  وشكرا

    ردحذف
    الردود
    1. إذا كانت تملك ال 16 رقم الخاص بالفيزا وتملك تاريخ انتهاء الفيزا تستطيع أن تسحب أي مبلغ من الفيزا ، ال 3 ارقام في ظهر الفيزا أهميتهم في استخدامهم لإتمام أي عملية مالية ، وبالتالي حذاري أخي أن تقع في هذا الفخ فإنها عملية نصب بلا جدال ..

      حذف
  13. أرجو الأفادة من سيادتكم هل بطاقة ديكسي باي ما زالت تعمل في مصر حاليا ام لا وما انواعها التي يمكن أستخدامها في السحب من الباي بال

    ردحذف
    الردود
    1. البطاقة تعمل بشكل جيد في مصر ، بالنسبة للفيزا التي يمكن استخدامها في السحب من البايبال يُمكنك متابعة الدرس الآخر للديكسي باي وستجد رابط الدرس في آخر هذا الموضوع .

      حذف
  14. بموقع الديكسي باي يوجد اختيار تحويل المبلغ الموجودة على البطاقة إلى حساب بنكي لأى دولة فى العالم . فهل تم تجريب هذا الاختيار ؟ بمعنى إذا قمت بإدخال رقم الحساب الخاص بي وقمت بتحويل المبلغ من الديكسي باي لحسابي البنكي فى مصر ( حساب دولار ) هل يستقبل ؟

    ردحذف
    الردود
    1. فيزا الديكسي باي تتيح لك سحب أموالك إلي حسابك البنكي ، بالنسبة إلي تجربتها لم أقم بذلك لكن أعتقد أنه يُمكن ذلك طالما الخيار متاح علي موقع الفيزا .

      حذف
  15. انا حولت الفلوس من الباي بال للديكسي باي ، المفروض استنى كام يوم عشان الفلوس توصل ديكسى ؟ (عن تجربتك )

    ردحذف
    الردود
    1. قد تتراوح المدة من يوم إلي أربعة أيام حتي يصلك المبلغ .

      حذف
  16. ازاي اشحنها بالبريد المصري؟
    وايه الحد الاقصى لشحنها ؟
    وبعمل ايداع دولار ولا بالمصري من خلال البريد؟
    وبتعد كام يوم عشان تتحول من البريد للبطاقة
    شكرا

    ردحذف
    الردود
    1. بتشحن من البريد من خلال عمل طلب إيداع من داخل حسابك والدعم سيتواصل معك بالبريد الداخلي للإرسال إليه ، بالنسبة لحدود المعاملات من حيث الشحن والسحب ستجدها مكتوبة في بداية الموضوع ، وبالطبع يُمكنك الشحن بالجنيه المصري بدون مشاكل ، وفور التأكد من استلام الأموال سيتم إيداعها في حسابك مباشرةً .

      حذف
  17. اخي محمد ,, ماهي اقصى عملية شراء او دفع " عبر الانترنت"؟ لانها غير موضحه . الموضح فقط هو اقصى عملية سحب عبر ATM.

    ردحذف
    الردود
    1. الموقع لم يضع حد أقصي لعملية الشراء وبالتالي فإن أقصي حد لعملية الشراء هو أقصي حد من المال يُمكن أن يوجد في البطاقة وهو 15000$

      حذف
  18. من فضلك لو قمت بشحنها بالجنيه المصري واريد شراء منتج عبر الانترنت بمبلغ 200$ هل سيتم حساب سعر الدولار تبعا لسعر البنك ام سعر السوق السوداء وهل ربطها بحساب باي بال سوف يحل هذا التناقض؟

    ردحذف
    الردود
    1. بعد شحن الفيزا بالعملة المصرية يتم احتساب الدولار بسعره الحقيقي وليس بالسعر الوهمي الذي وضعه البنك المركزي وبالتالي قد يصل سعر الدولار من 17 إلي 20 جنيه بتاريخ اليوم وقد يزداد فيما بعد ..
      بالنسبة لربط الفيزا بالبايبال من عدمه فهو لا يغير السعر الذي يتم احتساب الدولار به .. إذا كان لديك استفسار آخر يسعدني أن أقوم بمساعدتك واعتذر عن التأخير .

      حذف
  19. من فضلك هل يمكن شحن ڤيزا Dixipay عن طريق خدمه فورى ام لا
    وهل شحنها بحواله بنكيه او عن طريق البريد المصرى بيتم بالجنيه المصرى بسعر البنك وله لازم بالدولار وهل اصلا فى عائق ان البنك او البريد المصرى يقبل او يرفض يشحنهالى بالجنيه المصرى

    وهل ممكن اشحنها عن طريق ايداع الاموال فى اى ماكينه ATM التابعه لاى بنك فى مصر

    ردحذف
    الردود
    1. بالنسبة لشحن فيزا الديكسي باي عبر خدمة فوري أو الإيداع عبر ماكينات ATM فهي غير موجودة في طرق شحن فيزا الديكسي باي التي ذكرتها في المقال ، يمكنك شحن الفيزا عبر حوالة بنكية أو بريدية بالجنيه المصري وعند إجراء أي معاملة مالبة بالدولار يتم خصم المبلغ من الفيزا بسعر الدولار الحقيقي ولا يوجد أي عوائق في شحن الفيزا بالعملة المصرية .

      حذف
  20. استاذ محمد انا وصلني الكارت حالاً لكن لما باجي أأكتفه على موقع ديكسي بيقولي (Customer is not found)الأغرب ان الكارت مكتوب عليه انه صالح حتى 2018 يعني سنتين فقط !!!

    ردحذف
    الردود
    1. انت طلبت الفيزا من موقع الديكسي باي أم طلبتها من موقع خارجي ؟

      حذف
  21. السلام عليكم...
    انا حاليا طلبت البطاقه من موقع cardxpress والمفروض انها هتجيلي مشحونه ب6دولار فهي كده عدت مرحله اول شحنه ويبقي اقل ايداع ليها 20 دولار زي اي مره ولا لازم بردو اشحنها بال50 دولار الاول؟؟

    ردحذف
    الردود
    1. أعتقد أن الرصيد المضاف يكون غير الشحن ويمكنك تجربة إيداع 20$ والتحقق من نجاح العملية فإن لم تنجح قم بشحنها ب 50$ أو أكثر ..

      حذف
  22. البطاقه اتفعلت للاسف كنت طلبتها من موقع خارجي لكن ماعلينا. اهم سؤال الآن ماهو سعر الصرف للعمله ؟ هل هو نفس سعر صرف البنك المركزي ام ديكسي لها تسعيرات أخرى وشكراً ؟

    ردحذف
    الردود
    1. إذا كنت تقصد السحب من ماكينة ATM فهو يعتمد علي البنك الذي تستخدمه في السحب ، أما بالنسبة للشحن فهو يعتمد علي ديكسي باي علي أي حال لن يختلف السعر كثيراً خاصةً بعد تحرير سعر صرف الدولار وإزالة الفارق الكبير بين سعر صرف البنك المركزي والسوق السوداء .

      حذف
    2. اعذرني لو فيه شئ من التطفل . لو امكن تقولي آخر سعر حضرتك شحنت بيه ؟

      حذف
    3. كان هذا منذ اكثر من شهر واكيد ان السعر قد تغير ، يمكنك أيضا الشحن عبر الوسطاء الماليين في المنتديات العربية .

      حذف
  23. هل فى طريقة للتغلب على المصاريف الشهرية 3$ كل شهر ، حولت 24$ من فترة و تم خصمها جميعا كمصاريف شهرية عن كل الشهور اللى فاتت و تم حجز 10$ و دلوقتى عاوز اسحب مبلغ كبير من الباى بال ومش عاوز يخصموا 30 او 40 دولار مصاريف ؟

    ردحذف
    الردود
    1. للأسف يا أخي لا يوجد طريقة لذلك فهذه مصاريف صيانة شهرية تخصم من الفيزا ولا مفر منها .

      حذف
  24. هل البطاقة ممكن يتفعل عليها خدمة secure code ولك جزيلا الشكر.

    ردحذف
    الردود
    1. ماذا تقصد بال secure code تحديداً ؟

      حذف
  25. امتلك فيزا ديكسى وكانت شغاله تمام ولكن من اسبوع تقريبا لا استطيع ان ادفع بها اى شىء برغم ان بها رصيد وطبعا راسلت الدعم الفنى ولا اجابه ؟

    ردحذف
    الردود
    1. حاول الإتصال بالدعم الفني مباشرة من خلال الهاتف ستجد الأرقام في صفحة إتصل بنا علي موقعهم ..

      حذف
    2. شكرا على الاجابه
      ولكن اتصل على اى فرع لان فرع مصر الارقام مغلقه

      حذف
    3. إذا كنت من سكان القاهرة قم بزيارتهم في الفرع الموجود هناك ، أو قم بالاتصال بهم من خلال صفحتهم علي فيسبوك .

      حذف
  26. السلام عليكم انا اشتريت الفيزا وكل ما اجي افعلها تظهر الرسالة دي( Card Activation Failed: Customer is not found) انا طلبتها من موقع cardxpress

    ردحذف
    الردود
    1. وعليكم السلام .. هل قمت بكتابة رقم حسابك في موقع الديكسي باي في الخطوة الأخيرة عند قيامك بطلب البطاقة من موقع Cardxpress ؟

      حذف
    2. انا ايضا فى نفس المشكلة مع أنى قمت بكتابة رقم الحساب كما بالمقالة تماما....ماذا أفعل وحاولت الاتصال على التليفونات الموضحة فى مصر مغلق الموبايل والارضى مرفوع من الخدمة
      أرسلت للدعم الفنى لديكسى باى وأرسلت لكارد اكسبريس أيضا
      هل هناك شيء آخر زززوما هو رابط صفحة الفيس بك لهم

      حذف
    3. أعلم يا أستاذ أحمد فيبدوا أن لديهم مشكلة ما فالدعم لا يستجيب ، علي العموم إذا كنت من سكان القاهرة حاول الذهاب إليهم في العنوان الذي ستجده علي صفحة " اتصل بنا " علي موقعهم ..

      حذف
    4. أحب أحدث الموضوع...قمت بمراسلة الدعم الفنى فأرسلوا إلى ايميل أنه يتم تفعيل البطاقة خلال 5 أيام عمل بعد استلامها وهذا ما حدث فعلا....ثم قمت بتفعيلها على الباى بال ...وصل الكود فورا من الباى بال وظهر على حساب الكارت وقمت بتاكيد البطاقة بفضل الله

      حذف
    5. الحمد لله .. وإن شاء الله تستفيد بها

      حذف
  27. لو سمحت انا ممكن اعرف ايه ازاي بتتشحن ؟ هل من أي ATM ولا لا؟

    ردحذف
    الردود
    1. ممكن تشحنها من خلال فيزا أو ماستر كارد أو حوالة بريدية أو بنكية أو موني جرام أو ويسترن يونيون ..

      حذف
  28. السلام عليكم
    اخي محمد هل موقع كارد إكسبريس مضمون ام لا؟
    وهل هوا معتمد من شركة ديسكى باي ام لا؟
    وهل اذا طلبت البطاقة منهم وحطيت فيها مبلغ كبير ممكن يسببولي مشاكل في المستقبل؟
    اتمنى الاجابة اخي محمد وشكرا.

    ردحذف
    الردود
    1. وعليكم السلام ورحمة الله ، بالنسبة لموقع كارد اكسبريس فهو موقع عالمي مختص في بطاقات الدفع ويمكنك طلب البطاقة من الموقع بدون مشاكل إن شاء الله ، تأكد من طريقة طلب البطاقة من الموقع وكيفية ربطها بحسابك علي موقع الديكسي باي أو علي البايبال كما شرحت في المدونة ، ونصيحة بسيطة لا تشحنها بأموال حتي تنتهي من ربطها بحسابك علي موقع الديكسي باي وشحن البطاقة سيكون من خلال موقع الديكسي باي .. بالتوفيق إن شاء الله

      حذف
  29. سلام أخي ... ماذا بعد ربط ديكسي باي مع باي بال و تفعيله 100% هل يبقى حساب باي بال مفعل عند ازالة ديكسي باي و تعويضها ب نتلر او بايونير شكرا

    ردحذف
    الردود
    1. وعليكم السلام ، إذا قمت بإزالة فيزا الديكسي باي بعد تفعيل البايبال بها سوف يعود حسابك غير مفعل ، يجب أن تظل الفيزا مربوطة بالبايبال ، بالنسبة لماستركارد البايونيير لا يقبلها البايبال وأعتقد أن بطاقة النتلر نفس الأمر .

      حذف
  30. السلام عليكم ورحمة الله وبركاتة
    يا شباب انا سجلت فى ديكسى باي واتبعت كل الخطوات وفعلت حسابى وشحنتلهم 104 دولار وطلبت فيزا ووصلتنى يوم 14 يناير بس من وقتها مش عارف افعلها وكل ماجى افعلها يتكتبلى الجملة دى Card Activation Failed: Customer is not found ومن اسبوعين تقريبا رحت للعنوان الى هما كاتبينة فى القاهرة قالى انو مبيقدمش خدمة عملاء وانتظر لحد مهما يتمموا الاجراءات راسلت خدمة العملاء من حوالى اسبوع او كام يوم بعتولى الرسالة دى Hello

    Your card is currently in the personalization process, and
    it will be ready for activation soon وحاولت اراسلهم تانى ولسة مردوش وانا مش عارف دلوقتى اعمل اية اطلب فيزا تانية بطريقة تانية بس المشكلة انى رصيدى كلوا اتسحب على دى...يا ريت الى يعرف معلومة او يقدر يساعدنى يتفضل

    ردحذف
    الردود
    1. وعليكم السلام ورحمة الله ، بالنسبة للرسالة اللي اتبعتت لحضرتك فمعناها إن الفيزا الخاصة بيك في مرحلة التخصيص كل اللي عليك إنك تنتظر كام يوم وهتوصلك رسالة بعدها هتقدر تفعل الفيزا وتستخدمها ، وتقدر تشوف في الكومنتات إخوة برضه كان عندهم نفس المشكلة واتحلت فقط انتظر كام يوم لحد ما توصلك رسالة منهم .

      حذف
    2. شكرا جزاك الله عنا خير الجزاء

      حذف
  31. السلام عليكم,

    كان عندى استفسار, هل يشترط شحن كارت ديكسي باى بال50$ الحد الأدنى للشحن أم يكفى ال6$ المجانية لاستعماله.

    ردحذف
    الردود
    1. عليكم السلام ، عادة ينبغي شحن البطاقة برصيد من أجل الرسوم الشهرية للبطاقة .

      حذف
  32. اهلا اخي الغالي
    لدي استفسار بسيط لدي 100$ في البايبال تبعي وانا من اليمن وعملت البايبال كندي وهو مفعل بالفيزا فقط
    وليس بالحساب البنكي وعندما احاول ان اسحب اموالي للفيزا يقول لي انه يجب علي إضافة حساب بنكي من كندا
    او الولايات المتحدة وانا لا اتوفر على هذا الحساب ماهو الحل برايك هل يقبل هذه البطاقة ام ماذا ؟ الرجاء الرد شكرا جزيلا لك

    ردحذف
    الردود
    1. أهلا بك ، في البداية البايبال الأمريكي أو الكندي كلاهما قنبلة موقوتة في أي وقت سوف يجمد البايبال حسابك ويطلب منك أوراق هوية لحسابك فحاول إحراج أموالك منه في أسرع وقت ، يمكنك التعامل مع أحد الوسطاء لشراء هذا المبلغ منك ، وأعتقد أنه سيقبل بطاقة الديكسي باي بالتأكيد .

      حذف
  33. شكرا لك اخي الغالي انت رائع
    هل لديك حساب فيس بوك ضروري

    ردحذف
    الردود
    1. العفو , اضغط علي اسمي في مربع التعريف بالكاتب وستذهب إلي حسابي .

      حذف
  34. انا اواجه مشكلة فى تفعيل بطاقة الديكسى باى الخاصة بى من حوالى شهر و حاولت تفعيلها كثيرا ولكن بلا جدوى و الان احاول تفعيلها ويكتب لى عبارات تدل على ان هناك خطىء فى التاريخ الميلاد مثل...activation failed Note: You must have 18 years or more to activate the card .... card activation failed: error checking birth dates وحاولت تفعيل البطاقة باكثر من طريقة فاستخدمت متصفحات موزيلا فايرفوكس و إنترنت إكسبلورر و جوجل كروم و بايدو ولكن بلا نتيجة ارجو منكم المساعدة وشكرا

    ردحذف
    الردود
    1. يبدو أنك لم تراجع هذا المقال قبل شراء الفيزا ، المشكلة كما تقول الرسالة أن سنك أقل من 18 عام وهذا
      لا يُسمح له بتملك البطاقة ، حاول تعديل تاريخ الميلاد وإعادة المحاولة أو انتظر حتي بلوغ 18 عام .

      حذف
    2. انا تاريخ ميلادى 26/11/1992

      حذف
    3. إذا تأكد من أنك كتبته صحيحاً لأن الرسالة تقول أن تاريخ ميلادك أقل من 18 عام ..

      حذف
    4. انا كتبتة صحيحا وارسلت لهم صورة الباسبور بتاعتى....وغير كدا كمان حاولت ادخل على اعدادات الحساب عندى والمعلومات الشخصية ما عرفتش اوصل لتاريخ الميلاد للاسف...وحاليا انا بعت برسالة لخدمة العملاء بكل الى حصل ولسة متنسى الرد بس معرفش انا بقالى شهر بالظبط من بعد مستلمت الفيزا مش عارف افعلها

      حذف
    5. ما عليك الآن سوي الانتظار حتي يردوا علي رسالتك ..

      حذف
    6. على فكرة من14/1/2017 لحد دلوقت وانا مش عارف افعل بطاقة الفيزا بتاعتى وبعت رسايل كتير لخدمة العملاء وكلها بلا جدوى وحتى مزكروش سبب العطلة دى كلها....وبصراحة تجربتى مع البنك دا ومع الوكيل بتاعوا هنا فى مصر زى الزفت

      حذف
    7. الدعم بتاعهم سئ جداً، بس للأسف هي أفضل حل للبايبال المصري .

      حذف
    8. طب معلش شور عليا انا دلوقت محتاج اعمل حساب بايبال وافعلة ضرورى لئنى بحتاجة فى حجات كتير على النت زى استقبال رصيد من موقع اعلانات بعد 20 يوم هيبقا معايا فية رصيد 50 يورو وموقع نيو بوكس ودا معايا فية دلوقت حوالى اربعة دولار مع العلم انى اطريت اعمل فيزا بايونير بس مش عارف اشحنلها رصيد وافعلها عشان افعل بيها الباي بال وبجد انا بقالى شهور دايخ ومش عارف اربط حسباتى ببعضها بسبب الباي بال دا وبفكر اطلب فيزا تانية من ديكسى باى بالطريقة التانية الى بتقول عليها من الموقع الخارجى دا عشان افعل بيها الباي بال....شور عليا اعمل اية بالله عليكى لئنى بجد بقالى شهور دايخ وموصلتش لحاجة فى الاخر دا الفيس بتاعى muhammad9224@hotmail.com

      حذف
    9. تفعيل البايبال مش مشكلة ممكن تفعله بأي فيزا زي فيزا البنك العربي الأفريقي، المشكلة بتبقي في
      السحب، ممكن أقولك علي حل تبع بايونيير بدل ما تربط الماستر كارد هتربط الحساب ذات نفسه
      لأنه حساب بنكي طريقته سهلة بعد كدة تقدر تسحب من البايبال لحسابك في بايونيير وتسحب
      فلوسك من بايونيير من خلال الماستر كارد، طريقة بسيطة وناس كتير بتستخدمها .

      حذف
    10. بس انا مش معايا رصيد لسة فى بايونير ومش عارف اشحنلوا رصيد عشان افعل بية الباي بال ومعرفش موقع نيو بكس دا بيقبل الدفع لبايونير بردة ولا لاء ؟

      حذف
    11. ربط حساب بايونيير البنكي ببايبال لا يحتاج إلي وجود رصيد في حسابك ببايونيير، بايبال سيقوم بتحويل
      مبلغين صغيرين من المال إلي بايونيير ثم تقوم بكتابة حجم المبلغين في بايبال ليتم تفعيل حسابك .

      حذف
    12. تم بحمد الله ربط حساب الباي بال بحساب بنك بايونير....شكرا على المساعدة يا استاذ محمد

      حذف
    13. العفو اخي الكريم .. سعيد بمتابعتك لموقعنا

      حذف
  35. السلام عليكم انا اشتريت فيزا ديكسى باى ودخلت البيانات واتفعلت وبعد كدة انتظرت رقم مرور حساب البطاقة ولم يرسل للبريد الاكترونى لحد الان بقالى دلوقت اسبوعين بظبط وكل اما اكتب البريد يقولى هذا البريد لم يسجل فى قاعدة البيانات لدينا حاولت اربطها بالباى بال قابلها وبعت الاربع ارقام فى حساب البطاقة بس طبعا مش عارف ادخل على حساب البطاقة ارجوكم الرد

    ردحذف
    الردود
    1. حاول تبعتلهم علي الإيميل الخاص بالموقع من صفحة اتصل بنا وانتظر الرد في خلال 5 ايام عمل ..

      حذف
  36. ممكن تيفدنى عن بطاقة فيزا البنك الاهلى عشان فى ناس قالت انى هى بعد ماتتفعل ماينفعش تسحب عليها من البايبال

    ردحذف
    الردود
    1. تقريباً مفيش أي فيزا من بنك مصري ممكن تسحب عليها ، ولو في هتلاقي مشاكل كتيرة وفي
      النهاية مش هتعرف تسحب فلوسك بالدولار وده طبعا عن تجربة ..

      حذف
  37. قمت بطلب الباقة عن طريق موقع كارد إكسبريس وكل ما اجي افعلها customer is not found فهل في حل

    ردحذف
    الردود
    1. التفعيل يتم في خلال 5 ايام عمل ، في خلال خمسة ايام سوف يتم تفعيل البطاقة بإذن الله .

      حذف
  38. السلام عليكم اخي
    دلوقتي لو مافيش رصيد كافي في حسابي علشان مصاريف الصيانه الشهريه ( 3 دولار ) هايتقفل الحساب او هاتتلغي الماستر كارد ولا هايبقي ايه التصرف ؟
    شكرا ليك

    ردحذف
    الردود
    1. أعتقد أنه يتم تأجيل سحب الرسوم إلي حين شحن البطاقة مرة اخري .

      حذف
    2. محمد عاوز اسألك ايه رأيك فيها بعد تجربتها الفتره دي كلها وهل تنصحني اني اعمل الفيزا ولا لا . علشان في ناس كتير خوفوني .
      مستني ردك

      حذف
    3. ‏الديكسي باي هي أفضل فيزا للإستخدام مع بايبال في مصر من غير حد أقصي وأيضاً لا توجد فيزا
      مصرية تقدر تسحب من البايبال باستخدامها ، يعني ببساطة هتقدر تعمل كل حاجة بيها ، لو الديكسي
      باي ليها عيب فهو إن الدعم بتاعهم سئ والرد بيتأخر غير كدة فهي كويسة .

      حذف
    4. يعني انت مجربها لحد اللحظه الحاليه ؟

      حذف
  39. السلام عليكم انا دلوقت كل اما اروح اعمل حوالة بنكية عن طريق البنك الاهلى يسالونى عن عنوان الفرع كل اما يشوفو العنوان الفى الرسالة الديكسى بعتهالى يقولولى مفيش حساب فى الفرع دة انا كنت عاوز اعرف تفاصيل الحوالة البنكية لديكسى باى بعد اذنك وازاى بظبط

    ردحذف
    الردود
    1. مش هقدر أفيدك لأني لم اتعامل عبر الحوالة البنكية مع الديكسي باي، علي أي حال حاول الرجوع
      إلي دعم الديكسي باي وإخبارهم بالمشكلة أو جرب بدائل أخري لشحن رصيد في حسابك .

      حذف
  40. البطاقات الفرعية لفوق ال13 سنة,ايه الفرق بينها وبين البطاقة الرئسية؟
    وهل ممكن ادفع تمن البطاقة بالجنية المصري ؟؟

    ردحذف
    الردود
    1. والله مش هقدر افيدك لأني لم استخدمها، الموقع يتيح البطاقة العادية لأقل من 18 سنة بشرط ان إتمام
      التسجيل يكون من قبل احد الوالدين، وتقدر تدفع ثمن البطاقة بالمصري عند الإستلام لو طلبتها من
      موقع Cardxpress .

      حذف
  41. لو كملت تسجيل بنفسي من غير حد من الوالدين هينفع؟؟,,,,,ولو مثلا عامل قناة علي يوتيوب وعامل بارتنر وبكسب من القناة عن طريق حساب paypal (ومكنتش لسه عملت الديكسي باي) هتتحول الارباح اللي انا كسبتها للديكسي باي ولا هتبدا الارباح من اول وجديد؟؟ومعلش اخر سؤال اقل حاجة ممكن اشحن بيها اول مرة الديكسي باي كام (مبلغ اقل من75$)؟وشكرا جدا لحضرتك...

    ردحذف
    الردود
    1. لازم يكون من خلال احد الوالدين لأنك هتفعل البيانات اللي كتبتها بإثبات للشخصية صورة بطاقة مثلاً،
      بالنسبة للأرباح فأي ارباح في حسابك في بايبال تقدر تسحبها علي الفيزا بعد ما تربطها بحسابك، أول
      مرة تشحن الفيزا هييكون المبلغ 50$ بعد كدة تقدر تشحن بحد أدني 20$ في المرة .

      حذف
  42. سؤال مهم جدا يا استاز محمد :
    ازاي اعمل visa credit card في مصر؟
    لاني اخترت الحل ده للسحب من الباي بال
    معلش اتمني بالتفاصيل ؟
    عندي سؤال تاني :
    ازاي اعمل حساب بنكي ينفع لل wire transfer ؟
    اتمني ايضا بالتفاصيل
    مشكور يا استاز محمد

    ردحذف
    الردود
    1. مفيش أي بنك في مصر بيعمل كريدت كارد يمكن الاعتماد عليها للسحب لأن في مشاكل بين البنك
      المركزي في مصر وبين البايبال فالخيار ده غير متاح، بالنسبة ل wire transfer عادة بيتم استخدام
      ويسترن يونيون لأن ميزتها أنها لا تحتاج لحساب بنكي للسحب، وممكن عمل حساب في
      بنك مصر بالدولار واستخدامه أيضاً .

      حذف
  43. عند تفعيل البطاقة هنكتب فى خانة date of birth تاريخ الميلاد عادى ولا تاريخ انتهاء الصلاحية اللى بيبقى مكتوب على الفيزا وانا طلبتها من كارد اكسبريس اول اما استلمها افعلها علطول ولا استنى اسبوع لان فى ناس بتقولى لازم تستنى اسبوع بعد ما تتفعل مع ان كارد اكسبريس طلب منى رقم كشف الحساب على الجيميل وبعته ليهم ومستنى البطاقة واسف للاطالة ...شكرا محمد

    ردحذف
    الردود
    1. فى خانة date of birth هتكتب تاريخ ميلادك، بالنسبة للتفعيل فيفضل انك تستني من
      7-5 ايام قبل ما تحاول تفعل البطاقة عشان تقدر تفعلها من المرة الأولي .

      حذف
  44. دلوقتي انا عندي حساب ف باي بال ومفعلاه بالماستر كارد بتاعتي هل كده ينفع اسحب الفلوس وارسل من مواقع الاعلانات ولا لا ...ده اولا ثانيا انا لو جالي رصيد دلوقتي ع باي بال اقدر اسحبه ازاي وتحديدا ان مش هينفع اطلب حاليا فيزا الديكسي عشان مبلغ كبير فلو ينفع يسحبوها من باي بال ولا ايه الحل !!

    ردحذف
    الردود
    1. بالنسبة للسحب فحسب نوع الماستر كارد وطالما تم ربطها بحسابك ممكن يتم الدفع باستخدامها،
      بالنسبة لسحب رصيد البايبال فممكن استخدام بالديكسي باي عادي مع مبالغ كبيرة أو التحويل
      من بايبال إلي حساب بنكي والسحب منه .

      حذف
  45. مستر محمد ياريت حضرتك تكتب رقمك عشان محتاجه افهم حاجات كتير اوي ومش هينفع اكتبها هنا عشان هو كذا استفسار ...متشكره اوي

    ردحذف
    الردود
    1. حضرتك تقدري تسألي أي أسئلة هنا عشان اي حد بيتابع الموضوع ويكون عنده نفس
      الاستفسارات يلاقي الإجابة علي أسئلته في الموضوع .

      حذف
    2. الديكسي باي مش موجود ف مصر الشركه كانت موجوده بالفعل من 2013 حاليا هيا غير موجوده .. حاجه تانيه عايزه اعرف رسوم انهم يحولوا لي البطاقه هتبقي 75$ ولا كام وينفع لو المبلغ ده متوفر عندي ع الباي بال احولهم من رصيدي عليه ويتم ارسال الفيزا بعد كده ولا لازم ادفع لما يجي وقت الاستلام

      حذف
    3. الشركة ليها فرع في مصر، بالنسبة للحصول علي البطاقة في طريقة تانية أفضل وأسهل شرحتها في
      موضوع منفصل هتلاقي رابط الشرح في نهاية الدرس ده، وهي استلام الفيزا لحد البيت والدفع
      هيكون عند الإستلام وثمن البطاقة هيكون بالجنيه المصري .

      حذف
  46. اولا شكرا ليك ثانيا انا اول مرة اتابع ليك موضوع من 2015 واتخدع فيك انا للاسف مشيت ورا كل كلمة انت قولتها واشتريت الفيزا من كارد اكسبريس وبقالها يومين معايا وكل لما افعلها يقولى Card Activation Failed: Customer is not found يعنى البطاقة مش شغالة وانا دفعت 380 على الفاضى انا اسف على كلامى بس الواحد زهقان انو اتنصب عليه وشكرا ليك تانى

    ردحذف
    الردود
    1. أولاً شكرا علي أدبك في الرد ! ثانياً مش معني إن الموضوع من 2015 إن انا سايبه ؟ الموضوع
      بيتم تحديثه باستمرار بأي معلومات جديدة ، ثالثاً لو شوفت التعليقات هتعرف إنها مشكلة شائعة وهتلاقي
      ناس بتشتكي من نفس المشكلة وهي في الحقيقة مش مشكلة الموقع بيطلب 5 أيام عمل عشان تقدر
      تفعل الفيزا الخاصة بيك، علي العموم حاول في خلال يومين وبإذن الله الفيزا هتتفعل وتشتغل معاك
      واتمني ساعتها حضرتك ترد علي التعليق الخاص بيك بنجاح التفعيل .

      حذف
  47. ربنا يخليك وحتى والله لو متفعلت انا افتخر انى واحد من متابعين مدونتك وعموما هستنى زى ما انت قولت وهرد عليك
    شكرا ليك يا استاذنا

    ردحذف
  48. يجماعة الفيزا شغالة تمام وفعلت الحساب فى البيبال تمام وبقى unlimited ارسال واستقبال هى بس الفيزا يتاخد من 5 الى 7 ايام لتفعيل بيانتها على الموقع وبتشتغل تمام وشكرا

    ردحذف
    الردود
    1. إن شاء الله تستفيد بالفيزا وسعيد بمتابعتك لينا .

      حذف
  49. الفيز اشتغلت النهاردة وبيانتها اضافت فعلا وربنا انت راجل محترم والله انا اسف انى كلمتك بالطريقة دى انا اسف بس بيقولى هنبعتلك دولار خدناه من الفيزا ايه الدولار ده واستنى لحد ما يجيلى وابعت الفلوس من المواقع زى ادفلاى وهو يجى برحته مع العلم انو الحساب فى البيبال اتفعل تفعيل كامل وحطيت الكود اللى بيجيللى على الفيزا على البيبال ولا استنى .....اشكرك تانى استاذ محمد

    ردحذف
    الردود
    1. الحمد لله ربنا يعلم انا بحاول اساعد علي قد ما اقدر، بالنسبة لحسابك فتقدر تسحب فلوس لبايبال
      عادي ومش مشكلة مبلغ التفعيل يرجع براحته، وإن شاء الله تستفيد بالفيزا .

      حذف
  50. السلام عليكم
    لو سمحت أنا عندي فلوس في موقع سكريل وفتحت حساب في البنك الاهلي وربطته بسكريل ولما حولت الفلوس البنك رفض يستلمها
    عاوز اعرف ايه اسهل طريقة لتحويل الفلوس من سكريل لمصر مع العلم اني في 2009 كان سكريل اسمه موني بوكرز وحولت منه على حسابي في بنك مصر ولما الفلوس وصلت اتفتح لي حساب بالدولار اوتوماتيك والفلوس دخلت فيه

    دلوقتي لو انا فتحت حساب توفير بالمصري في بنك مصر وحولت الفلوس عليه هتوصلني ولا هقابل نفس المشكلة
    مع العلم ان سكريل دلوقتي بيحول لمصر باليورو فقط
    ولو فيه اي طريقة تانية لسحب الفلوس من سكريل لمصر يا ريت تفيدني
    وشكرا مقدما

    ردحذف
    الردود
    1. تقدر تفتح حساب في بنك مصر بالدولار وتستقبلهم عليه أو تربط سكريل بفيزا ديكسي باي
      وتسحب فلوسك للفيزا أو تسحبهم لحساب بايونير وتسحبهم بالماستر كارد عادي .

      حذف
  51. لو سمحت كمان ايهما أفضل ديكسي باي ولا بايونير

    ردحذف
    الردود
    1. حسب استخدامك كل بطاقة منهم ليها مميزاتها لو عايز تفعل البايبال هتبقي ديكسي باي افضل .

      حذف
  52. طيب عندك فكرة عن التحويل من سكريل لبنك مصر في الوقت الحالي ممكن ولا لا

    ردحذف
    الردود
    1. الحقيقة مش متأكد بس أعتقد إن الموضوع مش هيبقي فيه مشكلة .

      حذف
  53. السلام عليكم اخى الكريم

    دلوقتى انا لو استلمت بطاقى ديكسى باى وسحبت 100 دولار من الباى بال هل المبلغ هيتحول الى بطاقة الديكسى بالدولار ام بالجنيه الاسترلينى لاننى رأيت بعض الشروحات لناس بسحبو بالدولار ولكن رسالة التأكيد من الباىبال بتأتى بالجنيه الاسترلينى

    وهل المبلغ يسصل بالكامل 100 دولار للبطاقة ام سيتم خصم 2% رسوم البطاقة يعنى 2% على الايداع فى البطاقة ام على مجرد الاستلام على البطاقة ؟

    وشكرا

    ردحذف
    الردود
    1. السحب بيبقي بنفس العملة يعني دولار .. عمولة الإيداع أو الإستلام 2%

      حذف
  54. لو سمحت استاذ محمد حاليا انا شاب مصرى شغلى كله على الانترنت وجيلى انا والفريق بتاعى بعد عمل استمر اكتر من 10 شهور مبلغ وقدره 18 الف دولار وانا ليا حساب بنكى بالدولار فى بنك CIB لكن اخاف ابعت عليه الفلوس يحصلى مشكلة ومقدرش استلم الفلوس والبنك يجمدهم نظرا ان مفيش اوراق لشغلى وانا معايا بطاقة ديكسى باى واقدر اعمل حساب سكريل واستلم عليه المبلغ فانا مخير لي كذا خيار استلمهم على الحساب البنكى بتاعى او استلمهم باى بال او استلمهم سكريل فانت تنصحنى اعمل ايه عشان اقدر استلم فلوسى بدون مشاكل لأن فعلا هتبقا حسرة كبيرة لينا ان تعبنا يروح على الفاضى ياريت ترد عليا بعد استشارة ناس خبرة فى المجال دا والمعاملات البنكية وشكراا ليك بجد انا مبهور بردك على الناس على موضوع مفتوح مره عليه وقت كبيير شكرا لأهتمامك ومساعدتك للناس

    ردحذف
    الردود
    1. طيب بدايةً نصيحتي ليك لو تقدر تستلم المبلغ علي دفعات يبقي أفضل لأن حتي البنوك زي بايبال
      أو سكريل أوقات بتوقف حسابات لما يحصل فيها معاملة كبيرة مرة واحدة وبتطلب بعض الأوراق
      والإثباتات فحاول تستلم المبلغ علي أكتر من دفعة، بالنسبة لطريقة السحب فهي تعتمد عليك لو
      عايز تستلم المبلغ بالدولار ممكن تستخدم حسابك في CIB وتستلم عليه وأعتقد إنهم مش هيسألوا
      عن مصدر الفلوس طالما هو استقبال مش ارسال أو لو قلقان من البنك تقدر تستخدم بايبال أو
      سكريل وانا أفضل سكريل بس تفعله، لو مش هتفرق معاك تستلم بالدولار أو بالمصري انصحك
      تتعامل مع وسيط من خلال مقابلة شخصية . اتمني أكون قدرت أجاوبك وتحت أمرك لو في
      أي استفسار تاني .

      حذف
  55. انا روحت سألت في البنك قالو ان النظام اتغير عن زمان
    دلوقتي لو حولت هتجيلك حوالة برقم الحساب يعني نفس نظام البنك الأهلي
    المشكلة بقى اني جربت احول على حسابي في البنك الاهلي والبنك رفض يستلم الفلوس ولحد النهاردة مش قادر اعرف ايه سبب الرفض

    ردحذف
    الردود
    1. قم بشراء فيزا ديكسي باي وقم بربطها بحسابك في سكريل واسحب أموالك عليها .

      حذف
  56. السلام عليكم

    لوسمخت عندى سؤال غاية فى الاهمية

    كم مرة استطيع استقبال الاموال فى اليوم الواحد على البطاقة يعنى كم مرة استطيع السحب من الباىبال الى بطاقة الديكسى لاننى سمعت ان البطاقة لها عدد مرات معين من عدد الشحنات فى اليوم والاسبوع والاشهر 2/5/10 هل هذه الاعداد للمرات التحويل علىها من الباىبال ام عدد مرات الشحن الداخلى الى البطاقة من موقع الديكسى نفسه

    ارجو الرد من فضلك والتأكد منذلك لاننى لااستطيع الاتصال بالعم الغربى الخاص بهم وربما ان امكن تكتب لى رقم الدعم العربى الخاص بالبطاقة لوسمحت لان الرقم الخاص بمكتب القاهرة المكتوب على موقعهم لا يعمل

    وشكرا جزيلا

    ردحذف
    الردود
    1. لا أعتقد أنه يوجد مثل هذا الحد فقط الحد الأقصي للرصيد الموجود في البطاقة هو 15000$ وكذلك 3000$
      هو الحد الأقصي للسحب اليومي، بالنسبة للتواصل مع الدعم فلا يمكنك ذلك عبر الهاتف فالدعم الخاص
      بهم سئ للغاية، الطريقة الوحيدة هي عبر صفحة اتصل بنا عبر الموقع .

      حذف
  57. استاذ محمد دلوقتى انا عملت حساب باى بال وبايونير لما باجى اربط حساب باى بال بالحساب اابنكى بايونير بيقولى عذرا لا يمكن معالجه طلبك يرجى اعاده المحاوله

    وسوال تانى لو اتفعل وقبلو كده يبقى الباى بال اتفعل واقدر استخدمو فى ف تحويل المال على البايونير

    ردحذف
    الردود
    1. في حسابات البايبال بيرفض فيها ربط حساب بايونيير لأنها بتكون جديدة أو مش مضاف إليها فيزا أو لأسباب تانية حاول تربط فيزا بحسابك وجرب تاني، لو نجحت هتقدر تحول من بايبال لبايونيير بسهولة .

      حذف
  58. شكرا جزيلا علي مجهودك بس لوسمحت سوال انا لو اشتريت بطاقة الديكسي باي لحد المنزل تكلفتها هتبقي كام حاليا !! و لو انا مش عايز اشحنها دلوقتي هل ينفع استقبل عليها الاول و بعد كدا ابقي اشحن !! و لو ينفع هل هيتم ربطها بال باي بال بنجاح ! ولك جزيل الشكر

    ردحذف
    الردود
    1. تكلفتها حوالي 380 ج تقريباً، يجب شحن الفيزا مرة واحدة قبل استخدامها وتقدر بعد كدة تربطها بالبايبال

      حذف
  59. تم إيقاف التعليقات علي هذا الموضوع إذا كان لديك أي استفسار أو مشكلة ضع تعليقك هنا شات نتاوي

    ردحذف